忌廉又回復返精活潑的樣子了, 希望忌廉唔好再病, 我心血少, 醫生叫我要放鬆, 多d休息, 但最近就是特別多事發生, 返學既事我真係唔想繼續, 感覺係力不從心, level 爭太遠.

忌廉病了, 很突然, 几分鐘前還好好的, 突然走入sofa後面就不願出來, 以為忌廉又發皮氣走進去一回會自己走出來, 但當我發現的時候, 忌廉已走不動四肢發軟, 不段喘氣, 仲伸埋舌頭, 好似小狗跑完步伸舌頭喘氣的樣子, 但忌廉就是成身無力.

每日返工出門都好唔捨得忌廉, 覺得忌廉困係屋企好可憐, 但其實忌廉日日食完就訓, 訓醒又食, 我都唔知几想可以過呢d生活, 就算爪板都係見第一日賣返黎果陣玩得好開心, 依家已經比忌廉打入冷宮, 真係三分鐘熱度都無, 但每日放工我都仲係好心急返去, 好掛住忌廉丫~~

家裡開始貓毛滿天飛，　發覺用咩工具都唔唔到ｄ貓毛，真係要請教下ｄ養貓之人，　有ｄ衫痴左貓毛，　用膠紙都去唔到，　好外眼，　頭痛～～～

忌廉開始嘴叼喇, 係乾糧度加入水居然拒食，　見我一行入廚房就跟到實，　聞到我食既ｏ送菜香味，　仲寧願貓係廚房妄想我會分ｄ俾佢食渦，　忌廉你即管發皮氣，　我係唔會頭降咖，　因為話事果個係我～哈～

忌廉終於都無成晚貓貓叫喇, 已經開始適應呢個新屋企, 不過我幫忌廉買既新屋, 忌廉一ｄ都唔領情既, 每次入去都係貓几聲爪兩野就返出黎，　點解呢？　每晚都係要訓係我枕頭邊, 有時半夜跳上跳落, 真係會比忌廉嚇一跳, 再加上朋友話唔應該比貓貓一起訓, 因為有d危險, 一個唔小心劃花面爪親眼就唔好, 但次次見到忌廉貓貓聲行埋黎我捨唔得踢忌廉落床喔~

今日既驗尿報告出左, 話有血有d晶石, 如果唔小心take care, 可能會惡化, 但好彩係無菌, 於是又要六點半前趕去診所拎藥, 唔知係未診所既人做到麻目, 唔多答我野, 都係我問一句, 佢地先走入去問醫生答案，　全程我係見唔到個醫生，　問多几句，　個護士好似唔多耐煩，　同我講不如你ｄ野一次過問喇，　但我又真係唔可能一下子想到晒要問d咩問題，　我都係問下食緊既係ｄ咩藥，　個報告結果係點，　轉食呢脂ｈｉｌｌｓ既ｃ／ｄ糧係有咩作用，　ｃ／ｄ係咩意思，　如果貓貓唔肯食可唔可以溝埋ｄ舊糧一起喂呢ｄ問題之嘛，　如果護士係Ｐｒｏ既唔係一早係應該由佢話比我知既咩　？　我隻貓貓病左，　我個主人更係緊張ｄ會好多問題想問咖喇，　雖然ｄ問題係某ｄ人心目中係好簡單，　但我真係想知多ｄ先問，　唔該體諒下喇～～

返到屋企發覺忌廉屙血水，　原本打算星期六帶忌廉去做檢查的計劃要提早了，　醫生話唔知係未結紮做得唔好，　有一舊脂肪好似走左出黎，　可能要考慮再開刀重新做過，　唉．．．．．

再講ｄ血水，　可能係因為係泌尿疾病，　醫生給了一本小冊子我看，　說有此病的貓貓最好轉食濕糧，　唉唉．．．．．．

最後我叫醫生再幫忌廉看看牙齒，　醫生說忌廉起碼都成４－５歲了，　而且仲有牙石，　唉唉唉．．．．．

同忌廉已經相處左5日, 對住呢個小魔怪真係又愛又恨, 本來想每日都將佢既近況做份筆記，　但我實在太累了，　几晚都訓得唔好令我日日返工都做熊貓．

今日幫忌廉決定左買Prairie 呢隻貓糧, 四磅$150, 感覺唔平, 但原來盒杜虱水仲貴, 3枝成 168蚊丫, 但為左忌廉好唔慳得，　今日用左一枝，　每三個月又要再滴一次．

 

原本好好地的一餐晚飯, 就因為個女遲左叫個老豆吃飯, 最後個老豆就叫個女入房又打又鬧, 食飯前大家都大大聲話開飯埋位喇, 有人係房明明係聽到自己都仲唔行出黎食飯, 仲反而鬧個女點解唔係第一個先叫老豆食飯, 仲恐嚇個女要認清楚邊個先係佢最親既人, 如果唔係就以後都唔要佢, 仲罰佢唔可以食晚飯．

剪報